«Մարդու իրավունքներ և ժողովրդավարացում Կովկասում» տարածաշրջանային մագիստրոսական մեկամյա ծրագիրը տրամադրում է խորը գիտելիքներ և վերապատրաստում մարդու իրավունքների և ժողովրդավարացման ոլորտներում: Ծրագրի հիմնական նպատակն է աջակցել ժողովրդավարության, օրենքի գերակայության և լավ կառավարման խթանմանը, ինչպես նաև հետխորհրդային տարածաշրջանում մարդու իրավունքների պաշտպանության ամրապնդմանը:
Ծրագրի պաշտոնական լեզուն անգլերենն է:
«Մարդու իրավունքներ և ժողովրդավարացում Կովկասում» տարածաշրջանային մագիստրոսական ծրագրին կարող են դիմել այն ուսանողները, ովքեր ունեն բակալավրի կամ կամ բակալավրիատի համարժեք աստիճան։ Դիմորդը պետք է նաև տիրապետի անգլերենին, ունենա մասնագիտական և/կամ հետազոտական հետաքրքրություն մարդու իրավունքների և ժողովրդավարացման հարցերում: Ակադեմիական և/կամ մասնագիտական փորձը վերը նշված ոլորտներում կդիտվի որպես առավելություն:
Ծրագրին պետք է դիմել առցանց: Դիմումի ձևի հետ մեկտեղ, ապագա ուսանողներից պահանջվում է ներկայացնել հետևյալ փաստաթղթերը․
Բացի այդ, նրանք, ովքեր հանձնել են անգլերենի իմացության քննություններ, կարող են ներառել իրենց վկայականները․
Անգլերենի թեստի միավոր՝ TOEFL (PBT 525-600, IBT 80-100) կամ IELTS (6.0-7.0)
Ուսման վարձը կարող է տարբերվել կախված դիմորդի քաղաքացիությունից․
«Մարդու իրավունքներ և ժողովրդավարացում Կովկասում» տարածաշրջանային մագիստրոսական ծրագիրը նախատեսում է լրիվ և մասնակի կրթաթոշակներ վերոնշյալ երկրների ուսանողների համար: Կրթաթոշակը փոխհատուցում է ուսման վարձը, ճանապարհածախսը և կեցության ծախսերը: