2024 թվականի մարտի 23-ին տեղի ունեցավ Էդու Նեթվորքի կողմից կազմակերպված Հայաստանում առաջին անգամ իրականացվող Բիզնես կրթական սիմպոզիումը, որը նպատակ ուներ համախմբել բիզնես ոլորտի ղեկավարներին, ձեռներեցներին և մասնագետներին՝ մասնակցելու բովանդակալից քննարկումների, փորձի փոխանակման և բիզնեսի աճի նորարարական ռազմավարությունների ուսումնասիրման:
Սիմպոզիումի ընթացքում ելույթ ունեցան միջազգային ճանաչում ունեցող դասախոսներ, աշխարհում հայտնի ուսումնական հաստատություններից ոլորտի ներկայացուցիչներ՝ անդրադառնալով հետևյալ թեմաներին` բիզնեսի արդիականություն, բիզնեսի կայուն զարգացում, արհեստական բանականութունը բիզնեսի բնագավառում, հմտություններ բիզնեսի զարգացման համար, բիզնեսի պլանավորում և ռազմավարություն, բիզնես էթիկա և այլն:
Միջոցառմանը ներկա էին ավելի քան 100 մասնակիցներ, որոնցից յուրաքանչյուրը հնարավորություն ուներ անմիջականորեն հաղորդակցվելու բիզնես ոլորտում առաջատար համալսարնների ներկայացուցիչների հետ և ստանալու արժեքավոր տեղեկություններ իրենց բիզնեսի և հետագա բիզնես կրթության համար։
