Բիզնեսի ռազմավարական կառավարման առցանց ծրագիր Անգլիայում

Բիզնեսի ռազմավարական կառավարման (Business Strategic Management) առցանց ծրագիրը բավականին բարձր մակարդակի ծրագիր է,որը նախատեսված է այն ուսանողների համար, ովքեր հետագայում ցանկանում են ստանալ MBA որակավորում։ Ինչպես գիտենք MBA որակավորում ստանալու համար գրեթե բոլոր համալսարաններում անհրաժեշտ է վաստակել 180 կրեդիտ։ Այս նախապատրաստական դասընթացը օգնում է վաստակել անհրաժեշտ 180 կրեդիտից 120-ը։ Ծրագրի ընթացքում ուսանողները հնարավորություն կունենան օգտվել զանազան ուսանողական ռեսուրսներից, որոնց մեջ են մտնում օժանդակություն ուսուցչից մինչ դասընթացի ավարտը, մասնակցություն զանազան վեբինարների և բազում այլ լրացուցիչ նյութեր, որ կօգնեն ուսանողներին հաջող ավարտել դասընթացը։ Այն ավարտելուց և հավաստագիրը ստանալուց հետո ուսանողը հնարավորություն կունենա դիմել մի շարք բրիտանական համալսարաններ։