Բլոգ
4 մատչելի համալսարան բիզնես ոլորտում բարձրագույն կրթություն ստանալու համար
Փնտրու՞մ եք բարձրագույն ուսումնական հաստատություն բիզնես ոլորտում, որն ունի հստակ բյուջե և աշխարհի թոփ համալսարանների ցուցակում է: Այլևս մի՛ փնտրեք: Edunetwork-ը առանձնացրել է 4 մատչելի համալսարանների ցանկ, որոնք բարձր վարկանիշ ունեն թե՛ իրենց երկրներում, թե՛ Times Higher Education World Rankings, QS World University Rankings-ներում։ Առաջարկվող համալսարանները տրամադրում են անգլերեն լեզվով դասավանդվող մի շարք ծրագրեր: Եկե՛ք միասին ծանոթանանք այդ համալսարաններին․
KU Leuven՝ Բելգիա
KU Leuven-ը Եվրոպայի լավագույն համալսարաններից մեկն է, ընգրկված է աշխարհի թոփ 50 համալսարանների ցանկում և հայտնի է տարբեր հետազոտությունների մեջ իր գերազանցությամբ: Համալսարանն առաջարկում է անգլերեն լեզվով ծրագրերի լայն շրջանակ՝ ճարտարագիտության, հասարակական գիտությունների, և իհարկե, Bachelor’s in Business Administration-ի ոլորտներում: KU Leuven-ը հայտնի է նաև իր ակտիվ ուսանողական կյանքով, բազմազան ուսանողական ակումբներով և կազմակերպություններով, որոնք կօգնեն Ձեզ մեծ փորձառություն ձեռք բերել Բելգիայում սովորելու ընթացքում։ Ծրագրի տարեկան վարձը 2,150 եվրո է։
Vrije Universiteit Brussel՝ Բելգիա
Vrije Universiteit Brussel (VUB)-ը բարձր վարկանիշ ունեցող համալսարան է՝ Բելգիայում և աշխարհի թոփ 250 համալսարանների ցանկում գրավում է 200-րդ տեղը։ Համալսարանը շեշտը դնում է միջառարկայական հետազոտությունների և նորարարությունների վրա:
Համալսարանը նաև մեծ ուշադրություն է դարձնում հասարակական խնդիրներին և խրախուսում է ուսանողների ավելի «կանաչ» ապրելակերպ վարելուն: VUB-ն ունի նաև բազմազան ուսանողական համայնք, որտեղ ուսանողներ կան ավելի քան 120 տարբերm երկրներից, ինչը հավելյալ պատճառ է հանդիսանում այն դիտարկելու։
Համալսարանն առաջարկում է անգլերեն լեզվով ուսուցանվող մի շարք ծրագրեր, որոնց թվում է Bachelor of Science in Business Economics ծրագիրը, որի տևողությունը 3 տարի է, իսկ վարձը կազմում է 3,850 եվրո։
Մասարիկի համալսարան՝ Չեխիա
Եթե Դուք հետաքրքրված եք բիզնեսի կամ ֆինանսների ոլորտում կրթություն ստանալով, ապա Մասարիկի համալսարանը հիանալի տարբերակ է Ձեզ համար: Այն աշխարհի 580 թոփ համալսարանների ցուցակում 550-րդն է։ Համալսարանն առաջարկում է անգլերեն լեզվով մի շարք ծրագրեր, ինչպիսիք են՝ Bachelor’s degree in Business Economics and Management, Master’s degree in Finance, և PhD in Business and Management, որոնք ուսուցանվում են փորձառու դասախոսների և ոլորտի մասնագետների կողմից, ինչը լավագույն տարբերակն է բազմաթիվ միջազգային ուսանողների համար բարձրորակ կրթություն ստանալու։ Business management and Finance ծրագրի տարեկան արժեքը կազմում է 3,500 եվրո։
HTW Berlin՝ Գերմանիա
HTW Berlin-ը ժամանակակից կիրառական գիտությունների համալսարան է Գերմանիայում, որը հայտնի է կրթության նկատմամբ իր գործնական մոտեցմամբ և արդյունաբերական ամուր կապերով: Այն իր վարկանիշով թոփ 82-րդն է աշխարհում։ Համալսարանն առաջարկում է մի շարք ծրագրեր անգլերենով, ինչպիսիք են՝ բիզնես, ճարտարագիտություն և սոցիալական գիտություններ։ Այն կենտրոնանում է նորարարության և ձեռներեցության ոլորտների ուսումնասիրման վրա:
Համալսարանը գտնվում է Բեռլինում, ուր սովորում են աշխարհի ավելի քան 80 երկրներից ուսանողներ, ինչն էլ նպաստում է մշակութային հարուստ միջավայրի ստեղծմանը։
HTW Berlin-ը նույնպես մեծ ուշադրություն է դարձնում գործնական (պրակտիկ) ուսուցմանը: Համալսարանը հնարավորություն է տալիս ուսանողներին ներգրավվել արտադպրոցական գործունեության մեջ և նոր փորձառություն ձեռք բերել:
Համալսարանն առաջարկում է International Business բակալավրի աստիճանը, որն ուսուցանվում է անգլերեն լեզվով և անվճար է, թեև ամեն կիսամյակ առկա է 300 եվրո որպես contribution fee:
Իսկ հիմա դու ընտրի՛ր քո հետաքրքրություններին համապատասխան համալսարանը և ծրագիրը, որը կցանկանայիր սովորել, իսկ մենք կաջակցենք քեզ քո ընդունելության և երազանքին հասնելու ճանապարհին։