Բլոգ
Ուսանողի օրագրից․ Ինչպե՞ս ես ընտրեցի արտերկրի իմ համալսարանը
No Comments
Երբ կա արտերկրում սովորելու ցանկություն, բայց չգիտեք՝ ինչից սկսել, կարդացե՛ք մեր դիմորդներից մեկի ուղեցույցը։
«Արտերկրում համալսարան ընտրելիս մի քանի կետի էի ուշադրություն դարձրել․
- Սեփական նախասիրություններին․ շատ պարզ է հնչում, բայց առաջին հերթին պետք է հասկանալ ձեր նախասիրությունները, հետաքրքրությունները, ճաշակը։ Եվ որոշել, թե որ երկրում կուզենայիք ոչ միայն սովորել, այլև ապրել։
- Ի՞նչ էի նախատեսում սովորել․ ամեն երկիր իր առանձնահատկությունն ունի: Օրինակ՝ աշխարհում հայտնի է անգլիական արդարադատության համակարգը. օտարազգի ուսանողները գնում են Անգլիա՝ իրավաբանություն սովորելու, քանի որ շատ երկրներ օրինակ են վերցրել բրիտանական դատական համակարգը։ Նաև մարդիկ գնում են Մեծ Բրիտանիա՝ գիտելիքներ ձեռք բերելու ճարտարապետության և շինարարության ոլորտներում։ Այսպիսով՝ երկիրը շատ մեծ նշանակություն ունի:
- Ուսման և կեցության ծախսերը.
Երկրի ընտրության ամենակարևոր հարցերից մեկը ֆինանսական կողմն է։ Քանի որ շատ դեպքերում այս չափանիշից էր կախված, թե ես ո՞ր երկիրը կընտրեի սովորելու համար:
- Բուհ ընդունվելու պայմանները և ներկայացվող պահանջները․
Սկսեցի ուսումնասիրել բարձրագույն ուսումնական հաստատություններ ընդունվելու պայմանները։ Հասկացա, որ դժվար չէ, բայց, յուրաքանչյուր համալսարան ունի իր նրբությունները, և սիրողական մակարդակով անհրաժեշտ փաստաթղթերի հավաքագրումը կարող էր ճակատագրական լինել։ Արդեն որոշակի պատկերացում ունենալուց հետո գտա #edunetwork-ին, ում հետ անցա ընդունելության բոլոր պրոցեսները և այժմ սովորում եմ իմ երազանքի համալսարանում»։