Ձեր կրթական ուղին սկսվում է NetFairwork-ից

Սիրելի՛ դիմորդներ,

Ուրախ ենք տեղեկացնել, որ NetFairwork-ը (Edunetwork-ի կողմից իրականացվող կրթական տոնավաճառը), այս տարի առաջին անգամ անցկացվելու է մարտի 25-ին օֆֆլայն ֆորմատով՝ Հայաստանի Ամերիկյան համալսարանում (Փարազ Ավետիսյան շենք, Ալեք և Մարի Մանուկեան սրահ)` Մարշալ Բաղրամյան 40 հասցեով։

Այսինքն՝ Դուք ունենալու եք բացառիկ հնարավորություն մասնակցել մեր կրթական տոնավաճառին, տեղում ծանոթանալ առաջարկվող կրթական հնարավորություններին և ընտրել Ձեր ապագա համալսարանը։ 

Ծրագրի նախապատմությունը

2021 թվականին՝ համաճարակով պայմանավորված, Edunetwork-ը Հայաստանում կազմակերպեց առաջին օնլայն կրթական տոնավաճառը։ Այն միավորեց կրթական խորհուրդատուներին և ուսանողներին աշխարհի տարբեր անկյուններից: 

2022-ին Netfairwork-ի ֆորմատն անփոփոխ էր։ Մենք համախմբեցինք դիմորդներին մեր միջազգային գործընկերների հետ և հնարավորություն տվեցինք ծանոթանալ ծրագրերին և հնարավոր կրթաթոշակներին։

Այս տարի Ձեզ հրավիրում ենք արդեն անձամբ՝ հանդիպելու միջազգային համալսարանների ներկայացուցիչների հետ։

Մեր եզակի միջոցառումը կօգնի ձեզ ծանոթանալ մասնագետների հետ աշխարհի տարբեր անկյուններից և տեղեկություններ ստանալ կրթական հաստատությունների և վերջիններիս ընձեռած հնարավորությունների մասին: 

Դուք ձեռք կբերեք անհրաժեշտ տեղեկատվություն ձեր ուսման և կարիերայի վերաբերյալ ճիշտ որոշում կայացնելու համար:

Մասնակցության մանրամասները

Մասնակցության վճարը 2000 ՀՀ դրամ է: 

Միջոցառմանը գրանցվելու համար խնդրում ենք նախօրոք փոխանցել մասնակցության վճարը Էդու Նեթվորքի հաշվեհամարին՝ 220473332066000`«Նպատակ» դաշտում նշելով Ձեր անուն-ազգանունը, ապա անցնել հետևյալ հղմամբ՝ https://forms.gle/763nvnZyko9y2pAJ7, լրացնել հայտը և վերջում կցել վճարման անդորրագրի պատճենը:

Եթե ունեք հարցեր, խնդրում ենք կապ հաստատել մեզ հետ՝ գրելով մեր էջին, կամ զանգահարելով՝ +37455250490, +37411401014 հեռախոսահամարներին:

Անհամբեր սպասում ենք Ձեզ մեր կրթական տոնավաճառում: