Կանայք և իրենց հեղափոխության ուժը պատմության մեջ

Օփրա Ուինֆրին պատկանում է կանանց այն շարքին, ովքեր հսկայական ազդեցություն են թողել հասարակության՝ հատկապես կանանց վրա։ Որպես սևամորթ կին, նա բախվեց զգալի խոչընդոտների, այդ թվում՝ աղքատության և ռասիզմի, բայց քրտնաջան աշխատանքի, հաստատակամության և իր յուրահատուկ տաղանդների շնորհիվ նա դարձավ մեր ժամանակի ամենաազդեցիկ դեմքերից մեկը: Իր ողջ կարիերայի ընթացքում

Ուինֆրին օգտագործել է իր հարթակը` խոսելու կարևոր խնդիրների մասին, մասնավորապես՝ կանանց հզորացման և կրթության: Նա միլիոնավոր դոլլարներ է նվիրաբերել բարեգործական կազմակերպություններին, որոնք աշխատում են այդ նպատակների ուղղությամբ, ինչպես օրինակ՝ Օփրա Ուինֆրիի Առաջնորդության ակադեմիան Հարավային Աֆրիկայում, որը հնարավորություն է տալիս կարիքավոր երիտասարդ աֆրիկացի կանանց ստանալ կրթություն: Բացի իր բարեգործական աշխատանքից, Ուինֆրիի սեփական կյանքի ուղին շատերի համար ոգեշնչման աղբյուր է եղել: Նրա պատմությունը ցույց է տալիս, որ քրտնաջան աշխատանքի և վճռականության շնորհիվ յուրաքանչյուրը կարող է հասնել իր երազանքներին՝ անկախ իր ծագումից և այլ

հանգամանքներից: Նա օրինակելի կնոջ կերպար է դարձել հատկապես այն կանանց համար, ովքեր բախվում են բազմաթիվ նմանատիպ մարտահրավերների իրենց կյանքում:

Մեկ այլ կնոջ կերպար, որը փոխել է կանանց դերի մասին պատկերացումները Հիլարի Քլինթոնն է։ Նա քաղաքական գործիչ է, իրավաբան և կանանց իրավունքների պաշտպան: Քլինթոնն առաջին կինն էր, ով 2008 թվականին հաղթեց նախագահական ընտրություններում խոշոր քաղաքական կուսակցությունում, իսկ 2016 թվականին նա դարձավ առաջին կինը, ով առաջադրվեց նախագահի պաշտոնում խոշոր քաղաքական կուսակցության կողմից: Իր ողջ կարիերայի ընթացքում Քլինթոնը եղել է գործիչ, ով առաջ է բերել մի շարք կարևոր հարցեր,այդ թվում ՝ վերարտադրողական իրավունքների, կանանց հավասար վարձատրության, վճարովի ընտանեկան արձակուրդների և այլն։ Կանանց իրավունքների առաջխաղացմանն ուղղված նրա նվիրվածությունընրան դարձրել է քաղաքականության մեջ կանանց հետամուտը և գենդերային հավասարության համար պայքարի նշանավոր ձայնը: Ապագա սերունդների համար նա ձգտում է ստեղծել հասարակություն, որտեղ կինն այնքան ուժեղ և կայացած է, որքան տղամարդը։

Մեր պատմության հաջորդ հերոս կանանցից է Ռոզա Փարքսը՝ աֆրոամերիկացի քաղաքացիական իրավունքների ակտիվիստ, ով առավել հայտնի դարձավ 1955 թվականին Ալաբամա նահանգի Մոնտգոմերի քաղաքում իր ավտոբուսի նստատեղը սպիտակամորթ ուղևորին զիջելու մերժմամբ: Նրա խիզախ քայլը և ժամանակի օրենքներին դեմ գնալը հանգեցրեց քաղաքում հասարակական տրանսպորտի խտրականության դադարեցմանը ըստ ռասսաների: Փարքսի և այլ  քաղաքացիական իրավունքների առաջնորդների ջանքերը խթան հանդիսացան Միացյալ Նահանգներում ռասայական հավասարության շարժման: Նրա քաջությունն ու վճռականությունը անարդարության համար պայքարում շարունակում են ոգեշնչել մարդկանց ամբողջ աշխարհում․ նրա ազդեցությունը քաղաքացիական իրավունքների շարժման վրա անչափելի է: Նա օրինակ ծառայեց բոլոր կանանց համար՝ պայքարելու, միջազգային խնդիրներ լուծելու և իրենց ձայնը լսելի դարձնելու համար։

Կանանց ուժն ու հեղափոխական ազդեցությունը կարելի է տեսնել հասարակության բոլոր բնագավառներում՝ քաղաքականությունից և բիզնեսից մինչև արվեստ և գիտություն: Նրանք կերտում են ապագա, որտեղ յուրաքանչյուրի ձայնը լսելի է, իսկ իրավունքները՝ պաշտպանված։

Շնորհավո՛ր կանանց և մայրերի տոնը։

Սիրով՝ EduNetwork