Ես վախենում եմ արտերկրում սովորելուց

#LongRead կարևորի մասին 

Կյանքում որևէ բան փոխելը, խոստովանենք, բարդ է:

Հաճախ չենք կողմնորոշվում անգամ ուտեստի ընտրության հարցում, ուր մնաց կրթության և այն էլ արտերկրում սովորելու պլանների հարցում:

Իսկ արտերկրում կրթությունը միայն ընդունելությունը չէ, այլ կյանքի ամբողջական տրանսֆորմացիան. նոր երկիր, քաղաք, մարդիկ, միջավայր, առօրյա: 

Այս ամենը որքան գրավիչ է և հետաքրքիր, այնքան էլ վախեցնող և պարտավորեցնող, գիտենք : Դրա համար էլ անդրադառնում ենք այս կարևոր թեմային: 

Իսկ ինչի՞ց է առաջանում վախը:

Հաճախ այն չիմացության և իրավիճակի մասին ամբողջական ինֆորմացիա չունենալու արգասիքն է: 

Ամեն իրավիճակում ամենաբարդը սկսելն է: Իսկ դրա համար պետք է հստակ պլան կազմել, բաժանել մեծ և փոքր քայլերի կամ էլ դիմել մասնագետի, ով կանի ամենը ձեր փոխարեն: 

Միանգամից ուղեղում բացառեք «ես չեմ կարող ընդունվել» արտահայտությունը: Համառ աշխատանքն ու ջանասիրությունը հաստատ կտան իրենց արդյունքը: 

Արտերկրում սովորելը թանկ հաճույք է: Համամիտ ենք, որ կան երկրներ, որտեղ սովորելն իսկապես մեծ ֆինանսի հետ է կապված: 

Բայց չէ, որ կան նաև հարմար և շատ հարմար տարբերակներ: Որոնցից շատերը հաճախ առաջարկում ենք մեր էջում: 

«Ես կմնամ մենակ, առանց ընկերների և ընտանիքի»: Իսկ, եթե ուսումը դիտարկեք որպես ինքնուրույն դառնալու, նոր ընկերներ ձեռք բերելու և network-ը զարգացնելու լավ հնարավորություն: 

Մի կողմ դրեք անհանգստությունն ու ամենափոքր քայլերից սկսեք: Հարցերի դեպքում գրեք մեզ :