Կիսելով լավագույն փորձը՝ Էդունեթվորքը հոկտեմբերի 3-ին կազմակերպում է Netfairwork 7-րդ կրթական տոնավաճառը և սիրով հրավիրում է հայ դիմորդներին հանդիպելու միջազգային լավագույն կրթական հաստատությունների ներկայացուցիչներին՝ միասին ձևավորելու իրենց կրթական ուղին և ընտրելու ապագայի լավագույն հնարավորություները։
Նախաձեռնության նպատակը տեղական և միջազգային գործընկեր հաստատությունների հետ ձևավորված երկարատև կապերը ի շահ աշակերտների ու ուսանողների գործադրելն է։ Կրթության ընթացքում նրանց տրամադրվող աջակցությունն առավել հասանելի դարձնելու նպատակով այս տարի նախատեսվել է ներկայացնել դրամաշնորհների և ֆինանսական աջակցության հնարավոր տարբերակները, ինչպես նաև վերջիններիս դիմելու ընթացակարգերը՝ տոնավաճառին զուգահեռ կազմակերպելով համապատասխան դասընթացներ։
EduNetwork-ի այս տարվա խորհրդանիշը Բանալին է՝ մեր ներուժը բացահայտելու, նոր հնարավորություններ գտնելու և սեփական ճանապարհը կերտելու խորհրդանիշը։
Յուրաքանչյուր մարդ իր ներսում ունի հնարավորությունների մի ամբողջ աշխարհ։ Երբեմն պետք է պարզապես գտնել ճիշտ բանալին՝ բացելու այն դռները, որոնց հետևում սպասում են նոր գիտելիքներ, գաղափարներ, կապեր և հնարավորություններ։
Բանալին խորհրդանշում է այն քայլը, որով մենք բացում ենք մեր ներուժը։ Իսկ EduNetwork-ը այն միջավայրն է, որտեղ այդ բանալին կարող է վերածվել իրական հնարավորության՝ կրթության, կարիերայի և ինքնազարգացման նոր ճանապարհների։
Այնպես որ՝ «Unlock your potential with EduNetwork»։
Տոնավաճառի շրջանակում Էդունեթվորքը հանդես կգա նաև բացառիկ թրեյնինգային շարքով՝ նվիրված դրամաշնորհային և կրթության ֆինանսավորման հնարավորություններին։ Դասընթացները կօգնեն ուսանողներին ավելի լավ կողմնորոշվել առկա հնարավորություններում, հասկանալ՝ ինչպես օգտվել դրանցից, և առավել հստակ պլանավորել իրենց կրթական ուղին։
Շուտով կներկայացնենք թրեյնինգային շարքի ամբողջական ծրագիրն ու մանրամասները։ Իսկ մինչ այդ սպասվում են բազմաթիվ նորություններ, կարևոր հայտարարություններ և հետաքրքիր թարմացումներ։ Հետևե՛ք մեր էջին, որպեսզի ոչինչ բաց չթողնեք։
Տոնավաճառի ուշադրության կենտրոնում կլինեն նաև միջազգային դպրոցական կրթական ծրագրերը։ Քննարկումների ընթացքում կանդրադառնանք, թե ի՞նչ է IB դիպլոմային ծրագիրը, ո՞ւմ համար է այն նախատեսված և ինչպե՞ս ընտրել ճիշտ դպրոց՝ երեխայի նպատակներին և կրթական ծրագրին համապատասխան։
The Island Private School of Limassol-ը Կիպրոսում գործող միջազգային դպրոց է, որն առաջարկում է կացության հնարավորություն 8-րդ դասարանից սկսած։ Ավագ դպրոցի աշակերտները կարող են ընտրել IB Diploma կամ Career-related ծրագիրը՝ համատեղելով ակադեմիական կրթությունը տեխնոլոգիական և ձեռնարկատիրական հմտությունների զարգացման հետ։
SKEMA Business School-ը Ֆրանսիայի առաջատար միջազգային բիզնես դպրոցներից է՝ կամպուսներով Ֆրանսիայում և աշխարհի տարբեր երկրներում։ Այն առաջարկում է բիզնեսի, կառավարման, ֆինանսների և մարքեթինգի ոլորտների կրթական ծրագրեր՝ շեշտադրելով միջազգային փորձը և կարիերայի զարգացումը։
INTO University Partnerships-ը միջազգային կազմակերպություն է, որը համագործակցում է առաջատար համալսարանների հետ՝ առաջարկելով նախապատրաստական և ակադեմիական ծրագրեր միջազգային ուսանողների համար։
Swiss Education Group-ը առաջատար կրթական կազմակերպություն է, որը մասնագիտացած է հյուրընկալության և բիզնեսի ոլորտներում՝ առաջարկելով միջազգային ուսանողների համար կրթական և կարիերայի զարգացման հնարավորություններ։
Eurasia Institute for International Education-ը կրթական կազմակերպություն է, որը առաջարկում է միջազգային կրթական ծրագրեր՝ աջակցելով ուսանողներին բարձրագույն կրթության և մասնագիտական զարգացման ճանապարհին։
Նիկոսիա համալսարանը (UNIC) Կիպրոսի ամենամեծ համալսարանն է և Եվրոպայի ամենաբազմազգ համալսարաններից մեկը, դասվելով աշխարհի լավագույն 2%-ի շարքում՝ ըստ Times Higher Education 2024 վարկանիշի:
PLI-ը միջազգային ուսումնական հաստատություն է, որը կազմակերպում է լեզվի նախապատրաստական ծրագրեր՝ ուսանողներին պատրաստելու հետագա կրթությանը Չեխիայում։
LCC International University-ը Լիտվայում գործող միջազգային համալսարան է, որն առաջարկում է անգլերեն լեզվով բակալավրիատի և մագիստրատուրայի ծրագրեր՝ կենտրոնանալով բիզնեսի, սոցիալական գիտությունների և հումանիտար ոլորտների վրա։
Oxford International-ը միջազգային կրթական կազմակերպություն է, որը առաջարկում է լեզվի, ակադեմիական և բարձրագույն կրթության ծրագրեր՝ աջակցելով ուսանողներին միջազգային կրթական և մասնագիտական հնարավորություններում։
MODUL University-ն Ավստրիայում գործող միջազգային ճանաչում ունեցող մասնավոր համալսարան է, որն առաջարկում է անգլերենով ուսուցման ծրագրեր։ Համալսարանի ծրագրերը հավատարմագրված են AQ Austria-ի կողմից, իսկ դիպլոմները ճանաչվում են Եվրոպական միությունում։
UWC Dilijan College-ը United World Colleges միջազգային ցանցի անդամ է։ Այն Հայաստանի առաջին միջազգային գիշերօթիկ դպրոցն է 16-17 տարեկանների համար՝ առաջարկելով միջազգային ճանաչում ունեցող IB Diploma ծրագիրը։
Nord Anglia Education-ը միջազգային կրթական ցանց է, որը միավորում է աշխարհի տարբեր երկրներում գործող դպրոցներ՝ առաջարկելով միջազգային կրթություն և զարգացնելով աշակերտների ակադեմիական ու անձնական հմտությունները։
British Council Armenia-ը նպաստում է Հայաստանի և Մեծ Բրիտանիայի միջև կրթական, մշակութային և լեզվական կապերի զարգացմանը՝ առաջարկելով անգլերենի ուսուցման և կրթական տարբեր ծրագրեր։
Webster University-ն միջազգային համալսարան է, որն առաջարկում է բակալավրիատի և մագիստրատուրայի ծրագրեր՝ ստեղծելով կրթական և մասնագիտական զարգացման հնարավորություններ։
Study Group-ը միջազգային կրթական կազմակերպություն է, որը համագործակցում է համալսարանների հետ՝ առաջարկելով ծրագրեր միջազգային ուսանողների համար։
UWC Հայաստանի ազգային կոմիտեն UWC միջազգային համայնքի մասն է՝ առաջարկելով սովորել համաշխարհային ճանաչում ունեցող Միջազգային բակալավրիատի (IB) դիպլոմ ծրագրով։
Exupery International School-ը հավատարմագրված դպրոց է՝ Միջազգային բակալավրիատի (IB) և բրիտանական IGCSE ծրագրերով՝ առաջարկելով կրթություն նախադպրոցից մինչև ավագ դպրոց։
Հայաստանի ամերիկյան համալսարանը (ՀԱՀ)-ն առաջարկում է բակալավրի և մագիստրատուրայի ծրագրեր՝ ապահովելով միջազգային մակարդակի կրթություն։
Collège Champittet-ը Շվեյցարիայում գործող միջազգային դպրոց է, որն առաջարկում է կրթություն 3-18 տարեկանների համար՝ համատեղելով շվեյցարական և ֆրանսիական կրթական ծրագրերը, ինչպես նաև International Baccalaureate (IB) ծրագիրը։
H-FARM International School-ը Իտալիայում գործող միջազգային դպրոց է 3-18 տարեկանների համար՝ առաջարկելով անգլերենով կրթություն և International Baccalaureate (IB) ծրագրեր՝ կենտրոնանալով նորարարության, տեխնոլոգիաների և ձեռներեցության վրա։
Oxford International College-ը (OIC) Nord Anglia Education-ի անդամ է։ Այն Օքսֆորդում գործող միջազգային գիշերօթիկ քոլեջ է 15-18 տարեկանների համար՝ առաջարկելով IGCSE և A-levels ծրագրերը և անհատականացված կրթական ուղի՝ աշխարհի լավագույն բուհեր ընդունվելու համար։
d’Overbroeck’s Oxford-ը Օքսֆորդում գործող անկախ օրական և գիշերօթիկ դպրոց է 11-18 տարեկանների համար՝ առաջարկելով բրիտանական կրթական ծրագիր, GCSE, A-level և IGCSE ծրագրեր։
Collège du Léman-ը Շվեյցարիայի Վերսուա քաղաքում գործող միջազգային օրական և գիշերօթիկ դպրոց է 2-18 տարեկանների համար՝ առաջարկելով անգլերեն, ֆրանսերեն և երկլեզու կրթություն, ինչպես նաև IGCSE, IB և այլ միջազգային ծրագրեր։
Swiss International Scientific School in Dubai-ը Դուբայում գործող միջազգային դպրոց է 3-18 տարեկանների համար՝ առաջարկելով երկլեզու և անգլերենով կրթություն, ինչպես նաև International Baccalaureate (IB) ծրագրեր՝ շեշտադրելով գիտությունը, տեխնոլոգիաները և նորարարությունը։
Regent’s School Thailand-ը Թաիլանդում գործող միջազգային օրական և գիշերօթիկ դպրոց է 2-18 տարեկանների համար՝ առաջարկելով բրիտանական կրթական ծրագիր, IGCSE և A-level ծրագրեր, ինչպես նաև International Baccalaureate (IB) ծրագիր։