Նեթֆեյրվորքի մասին
Կրթությունը հնարավորությունների աշխարհը բացելու բանալին է, որն օգնում է ուսանողներին հաղթահարել իրենց առջև դրված մարտահրավերները և հասնել իրենց երազանքներին: Այս զարմանահրաշ ճանապարհորդության ընթացքում Էդունեթվորքը մեծապես գնահատում է ձեռքբերված կապերը, հնարավորությունները և, ամենակարևորը, գիտելիքը:
Այդ իսկ պատճառով Էդունեթվորքը պարբերաբար կազմակերպում է Նեթֆեյրվորք կրթական տոնավաճառը, որի նպատակն է կամուրջ հանդիսանալ ուսանողների և նրանց երազանքի համալսարանների միջև՝ նպաստելով նրանց կրթական նպատակների իրականացմանը:
Ի՞նչ է Նեթֆեյրվորքը
Նեթֆեյրվորքը կրթական տոնավաճառ է, որը միավորում է աշխարհի տարբեր կրթական հաստատություններին մի վայրում՝ ներկայացնելու իրենց ծրագրերն ու ծառայությունները ապագա ուսանողներին, ծնողներին, մանկավարժներին և մասնագետներին:
Նեթֆեյրվորքի ընթացքում ներկաները կարող են ուսումնասիրել կրթական հնարավորությունների մի ամբողջ փաթեթ՝ ներառյալ բակալավրիատի և մագիստրատուրայի, մասնագիտական և տեխնիկական ուսուցման, միջին և ավագ դպրոցի ծրագրերը, ամառային ճամբարները, շարունակական կրթության դասընթացները և մասնագիտական զարգացման հնարավորությունները:
Նեթֆեյրվորքը այն խթանն է, որն այդքան անհրաժեշտ է ուսանողներին կրթական ճանապարհորդության ընթացքում, և որի առաքելությունն է ստեղծել միջավայր՝ հաղորդակցության, համագործակցության և նորանոր բացահայտումների համար։
Կապի՛ր երազանքներդ հնարավորությունների հետ Նեթֆեյրվորքում
Նեթֆեյրվորքում մենք առաջարկում ենք նորարարական լուծումներ՝ հնարավորություն տալով ուսանողներին իրականացնել իրենց ակադեմիական երազանքները, ձեռք բերել արժեքավոր և հարուստ փորձ, այսպիսով՝ ներդրում ունենալով մեր հասարակության ապագայի զարգացման գործում;
Վերհիշելով Նեթֆեյրվորքի անցած ուղին, 2021 և 2022 թվականներին կրթական տոնավաճառն իրականացվեց առցանց՝ կապված Քովիդ-19 համաճարակի և ճանապարհորդության սահմանափակումների հետ։ Մեր վիրտուալ տոնավաճառներին մասնակցեցին ավելի քան 200 ուսանողներ և մանկավարժներ, ովքեր համախմբվել էին մեր ինտերակտիվ հարթակում՝ բացահայտելու արտերկրում սովորելու լավագույն ուսումնական հաստատությունները և նրանց կողմից տրամադրվող կրթական հնարավորությունները:
Այն զգալի ազդեցություն է ունեցել ուսանողների վրա՝ տալով նրանց համաշխարհային կրթական հնարավորությունների լայն շրջանակ: